Hrangturzo zirlai ti tha bikte lawmpui nan laptop pe

by Editor

Tualchhung News

ZORAM TODAY| 25th August, 2025(Mon): Lalremruata Chhangte, MNF General Secretary chuan Hrangturzo bial aṭanga kumin Mizoram University hnuaia under graduate exam-a rampum huapa lang- Vanrami d/o R. Lalbiaknunga, N. Vanlaiphai leh PC Vanlalzawni d/o PC Lalremsanga, Bungtlang te hnenah lawmpuinan an zir zelna tura ṭangkai tur laptop a pe.

Chawimawina leh lawmpuina a pek Vanrami hi Pachhunga University College ah kalin Sociology Department ah Topper a ni a; PC Vanlalzawni hian Commerce Department ah top 3 a hauh thung, Hrangbana College zirlai a ni. An pahnih hian coaching class an kal nghal ve ve a, hlawhtlinna an chan zel theihnan duhsakna a hlan nghal a ni.

Nikum 2024 khan HSLC leh HSSLC a Mizoram puma top 10 a lang Keiṭum khaw zirlai pahnihte hnenah lawmpui nan laptop a lo hlan tawh bawk.

Lalremruata Chhangte chuan, Hrangturzo bial atangin UG result-ah midang top-10 a lang pha zirlai duhawm tak tak pawh an awma, tun tum hi top 3 a lang chin laptop kan hlan a, Political party a kan tel hma pawhin zirlai ti thate lawmpuina ka theih ang angin mimal leh pawl angte in kan lo tihfo tawh a, hetiang hi neih ang angin chhunzawm zel ka la tum fân ani, a ti.

He hun hi Hrangturzo MNF East & West Block hruaitute pawhin an hmanpui a ni.